لاہور۔17مارچ (اے پی پی):وفاقی وزیر اطلاعات و نشریات عطاءاللہ تارڑ آکھیے امریکی سازش دا نعرہ لاوݨ آلے اڄ امریکہ دی فٹ پاتھاں تے ٻہہ تے پاکستان دے خلاف نعرے لویندے پئن ، شہداءدی قربانیاں دا مذاق اݙاوݨ تے پاکستان مخالف مہم چلاوݨ آلے کہیں رعایت دے مستحق کائنی انہاں دے خلاف قانون دے مطابق کاروائی تھیسی۔ھک سیاسی جماعت پہلے وی شہداءدے خلاف توہین آمیز رویہ اختیار کر چکی اے، ایجھا رویہ ناقابل برداشت اے۔ اتوار کوں اتھاں پریس کانفرنس توں خطاب کریندے ہوئیں وفاقی وزیر اطلاعات آکھیے جو عوام دی زندگیاں کوں سوکھا بݨاوݨ ساݙا مشن تے عوام دے مسئلے حل کرݨ ترجیح اے ، وزیراعظم شہباز شریف دی قیادت اچ معیشت کوں پیش آندے مسئلے حل کرݨ سانڳے وختی اقدامات کریسوں ، وزیراعظم معیشت دے حوالے نال آندے ہی اپݨا ایجنڈا ݙتا، معیشت کوں پیش آندے مسئلے وختی حل کرݨ دے متقاضی ہیسے۔ انہاں آکھیے جو ٹیکس اصلاحات اتے ایف بی آر دی تنظیم نو تے وی کم کیتا ویندا پئے کوئی ݙینھ ایجھا نی گزردا جݙاں وزیراعظم معیشت متعلق کوئی میٹنگ نہ کریندےہوون انہاں آکھیے سیاسی استحکام دے نتیجے اچ ہی معاشی استحکام آندے ۔ وفاقی وزیر آکھیے عالمی مالیاتی جریدیں وی وزیراعظم شہباز شریف دی صلاحیتاں تے اعتماد دا اظہار کریندے ہوئیں وزیر خزانہ دی تقرری کوں مثبت قرارݙتے ۔ شمالی وزیرستان دے علاقے میر علی اچ دہشت گردی دے واقعہ دا ذکر کریندے ہوئیں وفاقی وزیر اطلاعات آکھیے جو گزریل ݙینھ شمالی وزیرستان اچ دہشت گردی دا افسوسناک واقعہ پیش آئے جیں اچ پاک فوج دے جواناں جام شہادت نوش کیتے، 23 سالہ کیپٹن محمد بدر وی ایں واقعہ اچ شہید تھئن جیڑھے پنج بھیݨاں دے اکلوتے بھرا ہن ۔ انہاں آکھیے جو دہشت گردی دے خلاف جنگ اچ ساݙے سیکورٹی اداریں تے عوام وݙیاں قربانیاں ݙتن ۔ وزیرستان دے واقعہ اچ شہداءدی قربانیاں کوں خراج عقیدت پیش کریندوں۔ھک سوال دے جواب اچ وفاقی وزیر اطلاعات آکھیے جو سوشل میڈیا دے حوالے نال ساریاں سیاسی جماعتاں کوں ھک چارٹر کرݨا چاہیدے تریمتاں دے خلاف گھٹیا مہم، لوکاں تے بے بنیاد الزام لاوݨ تے ریڈ لائن کراس کرݨ دے حوالے نال ضابطہ اخلاق ہووݨا چاہیدے ۔
.jpg)
