وزیراعظم 7 اگست کوں جرنلسٹس ہیلتھ انشورنس کارڈ دا اجراءکریسن، پچھلی حکومت نواز شریف دے ہیلتھ کارڈ منصوبے دا ناں بدلیے، اساں صحافیاں نال کالا دور ݙٹھے، سینسر شپ ݙٹھی اے، مخصوص ٹولہ پیمرا بل تے پروپیگنڈا کریندا پے، مریم اورنگزیب

اسلام آباد۔24جولائی (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف 7 اگست کوں جرنلسٹس ہیلتھ انشورنس کارڈ دا اجراءکریسن، پچھلی حکومت نواز شریف دے ہیلتھ کارڈ منصوبے دا ناں بدلیے، اساں صحافیاں نال کالا دور ݙٹھے، سینسر شپ ݙٹھی اے، مخصوص ٹولہ پیمرا بل تے پروپیگنڈا کریندا پے۔ اڄوکی حکومت دے دور اچ صحافیاں دے خلاف کوئی انتقامی کاروائی نی تھئی، انہاں کوں تھپڑ ماریے ڳے، پسلیاں نی بھنی، گولیاں نی لڳی، اڄوکی حکومت کوں میڈیا پریڈیٹر دا خطاب نی ملیا بلکہ پاکستان اچ میڈیا دی آزادی بارے درجہ بندی اچ ست پوائنٹس دی بہتری آئی اے۔ سنوار کوں صحافیاں کیتے ہیلتھ انشورنس دے آن لائن اجراء دے موقع تے پریس کانفرنس کریندیں ہوئیں انہاں آکھیا جو وزیراعظم شہباز شریف دے وژن دے مطابق ورکنگ جرنلسٹس کیتے ہیلتھ انشورنس سکیم متعارف کروائی ویندی پئی اے۔ حکومت ایں کیتے وفاقی بجٹ 2023-24 اچ ہک ارب روپے دا فنڈ رکھیے۔

مضمون کا ماخذ : مردہ یا زندہ II

متعلقہ مضامین