گلگت بلتستان الیکشن بارے جیکر کہیں کوں شکایت اے تاں الیکشن کمیشن نال رابطہ کرے، اسلام آباد تے چڑھائی دیاں ڳالھیں بچگانہ ہین، وفاقی وزیر اطلاعات و نشریات سینیٹر شبلی فراز دی پریس کانفرنس

APP52-171120 ISLAMABAD: November 17 - Adviser to the Prime Minister on Finance and Revenue, Dr. Abdul Hafeez Shaikh and Federal Minister for Information and Broadcasting, Senator Shibli Faraz addressing a joint press briefing at Finance Division. APP

اسلام آباد۔17نومبر(اے پی پی)وفاقی وزیر اطلاعات و نشریات سینیٹر شبلی فراز آکھیے جو گلگت بلتستان الیکشن بارے جیکر کہیں کوں شکایت اے تاں الیکشن کمیشن نال رابطہ کرے، اسلام آباد تے چڑھائی دیاں ڳالھیں بچگانہ ہین، جیکر بلاول بھٹو سیاست کرݨی اے تاں سنڄیدہ سیاست کرن، اپوزیشن ملک اچ فساد کھنڈاوݨ دی پالیسی تے ٹدری پئی اے۔ اے ڳالھ انہاں مشیر خزانہ ڈاکٹر عبدالحفیظ شیخ دے کٹھے وفاقی کابینہ اجلاس دے بعد میڈیا بریفنگ اچ آکھی۔ انہاں آکھیا جو معاشی اشاریے مثبت ویندے پین، سٹاک ایکسچینج، غیرملکی سرمایہ کاری، لارج سکیل مینو فیکچرنگ سودھا ہر شعبے اچ بہتری آندی پئی اے، اڳو تے اے حالات ٻئے چنڳے تھیسن۔ انہاں آکھیے جو کرونا دی ٻئی لھر آڳئی اے لوک ایندے اچ ودھ احتیاط ورتن۔ انہاں آکھیے جو ملک اچ کݨک دی کوئی قلت کائینی، ایں سانڳے ٹی سی پی اتے حکومت دے کݨک دے معاہدے فروری تئیں مکمل تھی ویسن، نویں فصل آوݨ تے سرپلس سٹاک موجود ہوسی۔ انہاں آکھیے جو اپوزیشن حکومت کوں ناکام کرݨ دی ہر کوشش اچ ناکام تھیندی پئی اے، الیکشن کمیشن ہی انتخابات بارے مناسب فورم اے، جیکر کہیں کوں شکایت اے تاں اتھاں ونڄے، جیکر ثبوت ہین تاں احتجاج وی کرن اتے اپݨا قانونی حق وی استعمال کرن نتاں ملک اتے قوم دا ویلھا نہ ونڄاون۔

مضمون کا ماخذ : نمبروں دا میگا سینا

متعلقہ مضامین