بین الاقوامی برادری، عالمی مالیاتی اداریاں پاکستان دے سیلاب متاثرہ علاقیاں دی تعمیر نو و بحالی کیتے 9 ارب ڈالر توں ودھ ݙیوݨ دا وعدہ کیتے، وزیر خارجہ بلاول بھٹو زرداری

اسلام آباد۔10جنوری(اے پی پی)وزیر خارجہ بلاول بھٹو زرداری آکھیے جو جنیوا اچ تھیوݨ آلی عالمی ریزیلئنت پاکستان کانفرنس کامیاب رہی اے اتے بین الاقوامی برادری، عالمی مالیاتی اداریاں پاکستان دے سیلاب متاثرہ علاقیاں دی تعمیر نو و بحالی کیتے 9 ارب ڈالر توں ودھ ݙیوݨ دا وعدہ کیتے جیڑھی تیکھے مل ویسی۔ اپݨے ہک ویݙیو اچ انہاں کانفرنس دی مشترکہ میزبانی کوں پاکستان کیتے ہک وݙی کامیابی قرار ݙیندے آکھیے جو ایندے اچ توقع توں ودھ تے ڄ?? توجہ ݙتی اے، عالمی برادری دے ودھ تعاون تے مشوکر ہیں جو ایندے نال سیلاب متاثرہ علاقیاں دی تعمیر نو و بحالی، تباہ شدہ انفراسٹرکچر دی مر??ت، زراعت دی بہتری اتے غربت مکاوݨ دا کم تیکھے شروع تھی سڳسی۔ انہاں ہتھ ونݙاوݨ تے خاص طور تے اقوام متحدہ دے سیکرٹری جنرل، چین، امریکہ، یورپی یونین، فرانس دے صدر میکرون اتے مشرق وسطیٰ دے ملکاں سودھا سارے دوست ملکاں دا شکریہ ادا کیتے جو پورا ڄق پاکستان دے نال کھڑے، خوشی دی ڳالھ اے جو عالمی برادری پاکستان دے سیلاب زدگان نال یکجہتی کیتے ہک تھی تے 9 ارب ڈالر دا وعدہ کیتے۔