اسلام آباد۔28 جون(اے پی پی )دفتر خارجہ دے ترجمان ڈاکٹر محمد فیصل فنانشل ایکشن ٹاسک فورس (ایف اے ٹی ایف) ولوں پاکستان دے گرے لسٹ اچ اندراج اُتے ردعمل دا اظہار کریندے ہوئیںآکھے جو اے کئی نویں گالھ کائنی ، پہلے ہی ڈسا ڈتا ہئی جو پاکستان جون اچ گرے لسٹ اچ لگیا ویسی ، گرے لسٹ اچ راہندے ہوئیں پاکستان ایکشن پلان اُتے عملدرآمد کریسی ۔ ایکشن پلان اُتے عملدرآمد دی کارکردگی چنگی رہی تاں گرے لسٹ اچوں ناں نکل سگدے جڈانجو پاکستان دا ناں بلیک لسٹ اچ ونجنڑ دا کئی امکان کائنی ۔ خمیس کوں ہفتہ وار پریس بریفنگ دے دوران صحافیاں دے مختلف سوالیں دا جواب ڈیندے ہوئیں ترجمان دفتر خارجہ اے گالہیں آکھیاں۔ ہک سوال دے جواب اچ ترجمان آکھیا جو یو این ہیومن رائٹس کونسل ولوں مقبوضہ کشمیر اچ انسانی حقوق دیاں خلاف ورزیاں بارے رپورٹ دے یورپی یونین ولوں مقبوضہ کشمیر اچ انسانی حقوق دیاں خلاف ورزیاں اتے کشمیری عوام دے مصائب کو ںہک پاسے رکھنڑاں افسوسناک ہے ۔ ترجمان یورپی یونین دے بئے ملکاں توں مطالبہ کیتاجو او مقبوضہ کشمیر اچ انسانی حقوق دیاں خلاف ورزیاں بارے یو این ہیومن رائٹس کونسل دی رپورٹ دی حمایت کرن۔ پاک امریکہ تعلقات دے حوالے نال ہک سوال دا جواب ڈیندے ہوئیں ترجمان آکھیا جو پاک۔امریکہ تعلقات چنگائی آلے پاسے ویندے پئے ہن ۔ افغانستان بارے ترجمان آکھیا جو پر امن اتے مستحکم افغانستان پاکستان سمیت سارے خطے چنگے فیدے اچ ہے ۔
.jpg)
