کرونا کیسز دی ودھ شرح آلے اضلاع اچ لاک ڈائون لایا ونڄ سڳدے، ویکیسنیشن جاری اے، آکسیجن فراہمی کیتے ودھ اقدامات تھیندے پین، معاون خصوصی ڈاکٹر فیصل سلطان

اسلام آباد۔27اپریل(اے پی پی)وزیراعظم دے معاون خصوصی برائے صحت ڈاکٹر فیصل سلطان عوام کوں آکھیے جو او این سی او سی دے فیصلاں تے عمل کریندے ہوئے ایس او پیز اپناون، کرونا کیسز دی ودھ شرح آلے اضلاع اچ لاک ڈائون لایا ونڄ سڳدے، ویکیسنیشن جاری اے، آکسیجن فراہمی کیتے ودھ اقدامات تھیندے پین۔ہک میݙیا بریفنگ اچ انہاں آکھیا جو حکومت 30 مارچ توں ویکیسن دیاں 30لکھ خوراکاں ڳھدن، لوک کرونا توں بچݨ کیتے عید سادگی نال مناون جو صحت دے نظام تے کرونا پاروں ودھ دباو اے، ملک اچ کرونا ویکیسن دے 1200 ویکسینیشن سینٹر کم کریندے پین، حکومت صھت دے نظام دی بہتری کیتے موثر کم کریندی پئی اے۔ انہاں اے تاثر رد کر ݙتے جو حکومت صرف امدادی ویکیسن تے انحصار کریندی پئی اے، اساں ویکسین دیاں ٻیاں 3 کروڑ خوراکاں مل ڳھنݨ دا معاہدہ کریندے پئے ہیں۔

مضمون کا ماخذ : لوٹیریا وفاقی

متعلقہ مضامین