اسلام آباد ۔ 18 دسمبر (اے پی پی)وزیراعظم دی معاون خصوصی اطلاعات ونشریات ڈاکٹر فردوس عاشق اعوان آکھیے جو پی ٹی آئی دی کور کمیٹی دا اجلاس تھئے جیندے اچ پرویز مشرف بارے عدالتی فیصلے،قانو ن و انصاف کیتے مثالی ماحول پیدا کرنڑ،یکساں قانون دی عملداری سودھا مختلف امورتے غور کیتا گئے۔ میڈیابریفنگ اچ انہاں آکھیا جو کل دے عدالتی فیصلے بارے لیگل ٹیم کور کمیٹی کوں تفصیل ڈسائی اے،بیرسٹر علی ظفر اتے ڈاکٹر بابراعوان فیصلے بارے قانوی نکات، کوتاہیاں اتے پراسیکیوشن یا فیصلے دی مجموعی کمزوریاں سودھا آئینی امور تے بریفنگ ڈتی اے۔انہاں آکھیے جو وزیراعظم عمران خان عزم کیتے جو پاکستان تحریک انصاف، انصاف، قانون و آئین دی حکمرانی کیتے جدوجہد جاری رکھیسی تاں جو قانون دے یکساں اطلاق کیتے ساز گار ماحول ڈتا ونج سگے،قانون دی عملداری کیتے رکاوٹاں مکاونڑ سانگے اصلاحات،روایتی قوانین توں نجات ضروری اے۔انہاںا ٓکھیے جو پاکستان دے ادارے ریاست دے ستون ہین ، ریاست دامفاد ہر حال اچ اہم اتے مقدم رکھیا ویسی،وزیراعظم اداریاں کوں تکڑا کرنڑ،بااختیاربنڑاونڑ اتے قانون و آئین دی حکمرانی نال کھڑاتھیونڑاے،ایں بارے کوئی وی لائحہ عمل کمیٹی، کابینہ اتے مکمل مشاورت توں بعدترجیحات دے مطابق طے کیتا ویسی۔کوالالمپورسمٹ بارے انہاں آکھیے جو پاکستان کہیں وی ملک نال انفرادی تعلق دے بجائے پوری امہ نال کھڑا تھیونڑاے،ایں ویلھے پاکستان دا مفاد او اائی سی نال جڑیاہوئے،پاکستان ملت اسلامیہ کوں ہک مٹھ کرنڑ کیتے کردارادا کریندارہسی۔
