زراعت دی بنیاد تے ترقی نال خوراک دی پیداوار ودھاوݨ، نرخ ڳھٹ کرݨ اتے برآمدات کیتے ودھیکی خوارک پیدا کرݨ اچ مدد مل سڳدی اے، صدرمملکت دا خوراک دے جڳ ݙیھاڑ تے سنیھا

اسلام آباد۔16اکتوبر (اے پی پی) صدر مملکت ڈاکٹر عارف علوی غذائیت توں بھرپور خوراک دی پیداوار ودھاوݨ کیتے کئی محاذاں تے کم کرݨ دی لوڑھ تے زور ݙیندیں ہوئیں آکھیا جو زراعت دی بنیاد تے ترقی نال خوراک دی پیداوار ودھاوݨ، نرخ ڳھٹ کرݨ اتے برآمدات کیتے ودھیکی خوارک پیدا کرݨ اچ مدد مل سڳدی اے۔ سنوار کوں ایوان صدر دے پریس ونگ توں جاری بیان موجب صدرمملکت خوراک دے جڳ ݙیھاڑ دے موقع تے آپݨے سنیھے اچ آکھیا جو خوراک دا جڳ ݙیھاڑ ہر سال اکتوبر اچ عالمی سطح تے منایا ویندے۔ اے ݙینھ پائیدار زراعت دی اہمیت آلے پاسے اساݙی توجہ ݙویندے۔ ایں ݙینھ دا مقصد مختلف پالیسیاں اتے اقدامات کیتے حکومتاں اتے ٻئے اسٹیک ہولڈرز دی حمایت حاصل کرݨ اے۔ انہاں آکھیا جو ایں سال عالمی ادارہ ِخوراک غذائی تحفظ یقینی ٻݨاوݨ کیتے پاݨی زندگی اے، پاݨی خوراک اے، کوئی پچھوں نہ رہ ونڄے دا عنوان متعارف کرائے۔ اے عنوان پاکستان دی اڄوکی صورتحال نال ملدے۔ زراعت دی بنیاد تے ترقی نال خوراک دی پیداوار ودھاوݨ، نرخ ڳھٹ کرݨ اتے برآمدات کیتے ودھیکی خوارک پیدا کرݨ اچ مدد مل سڳدی اے۔

مضمون کا ماخذ : لاٹری جیتنے کی چانسز

متعلقہ مضامین