بیجنگ/اسلام آباد۔21جنوری(اے پی پی) وزیر خارجہ بلاول بھٹو زرداری آکھیے جو چین نال ݙو پاسے تجارتی تعلقات اچ مزید ودھارے دی توقع اے ، ݙوہیں ملک موسمیاتی تبدیلیاں دے خلاف جنگ، قابل تجدید توانائی اتے سرمایہ کاری دے فروغ کیتے پرعزم ہن۔اے ڳالھ انہاں اڄوکے ہفتے ورلڈ اکنامک فورم دے موقع تے سوئٹزرلینڈ اچ چینی خبر رساں ادارہ ژنہوا دے نال ھک خصوصی انٹرویو اچ بلاول بھٹو زرداری آکھیے گزریل 71 سال اچ پاک چین رہنماواں دی کئی نسلاں پاکستان اتے چین دے درمیان ݙوطرفہ تعلقات کوں پروان چڑھائے ۔ انہاں آکھیے ساݙے تعلقات سانجھے احترام، اعتماد اتے افہام و تفہیم تے مبنی ہن۔ ݙوہیں ملک بنیادی دلچسپی دے امور تے ھک ݙوجھے دی حمایت کریندن ۔ پاکستان تے چین علاقائی امن و استحکام کوں ودھارا ݙیوݨ تے یقین رکھیندن تے قومی ترقی اتے خوشحالی دے مشترکہ خواب اچ وی شریک ہن ۔ وزیر خارجہ مزید آکھیے چین پاکستان اقتصادی راہداری منصوبہ (سی پیک) اتے2013 ء اچ چین دے تجویز کردہ بیلٹ اینڈ روڈ انیشیٹو (بی آر آئی) جیہے نویں اقدامات دی بدولت وی پاک چین سانجھے تعلقات اچ ودھارا تھئے ۔ وزیر خارجہ ایں ڳالھ تے زور ݙتے جو اڄ پاکستان تے چین دے درمیان کثیر جہتی شراکت داری قائم اے۔ انہاں آکھیے ساݙے درمیان مضبوط تذویراتی اتے دفاعی تعاون اے۔ساݙے اقتصادی اتے تجارتی تعلقات تکھے اڳوں ودھدے پئن ۔ چین پاکستان اقتصادی راہداری دے تحت ݙوہیں ملکاں دے تعلقات ھک نویں مرحلے اچ داخل تھیندے پئن تے اساں مالیات، سرمایہ کاری اتے صنعتی شعبیں اچ نیڑے رابطے کوں نہ صرف برقرار رکھیے بلکہ انہاں کوں ودھارا ݙتے ۔ انہاں آکھیے چین پاکستان دے طلباء کیتے اولین منزل بݨ چکیے تے ساݙٖ لوکاں نال مضبوط رابطے ہن جنہاں دی آبیاری فنکاراں، ماہرین تعلیم، سائنسی برادری اتے میڈیا کیتی اے ۔ بلاول بھٹو زرداری آکھیے 2013 ء اچ شروع کیتا ڳیا سی پیک منصوبہ ھک راہداری منصوبہ اے جیڑھا پاکستان دی گوادر دی بندرگاہ کوں شمال مغربی چین دے سنکیانگ ایغور خود مختار علاقے اچ کاشغر نال جوڑیندی اے ۔ ایندا مقصد توانائی، ٹرانسپورٹ اتے صنعتی تعاون کوں ودھارا ݙیوݨاں اے ۔ انہاں آکھیے سڑکاں تے ریلوے، توانائی دے منصوبیں، بندرگاہواں تے خصوصی اقتصادی زونز سودھے ملک دے جدید نقل و حمل دے نیٹ ورکس اچ سرمایہ کاری دے نال نال سی پیک پاکستان دی ترقی اتے بالخصوص اقتصادی ترقی کوں ودھارا ݙیوݨ دا موقع ݙتے ۔ پاکستان تے چین دے درمیان ݙو طرفہ تجارتی رابطے دے نقطہ نظر بارے انہاں آکھیے جو اقتصادی تعلقات پاک چین ہمہ موسمی تذویراتی تعاون تے مبنی شراکت داری دا مرکز ہن۔ انہاں مزید آکھیے چین دے نال تجارتی تعلقات کورونا دی وبائی مرض توں پہلے دی سطح تے ودھ چکن ۔ وزیر خارجہ آکھیے چین ساݙی اعلی برآمدی منڈیاں اچوں ھک اے تے براہ راست غیر ملکی سرمایہ کاری دا ساریں توں وݙا ذریعہ اے ۔ ݙوہیں ملکاں وچال وسیع آزاد تجارتی معاہدہ (سی پی ایف ٹی اے) وی موجود اے جیڑھا ساݙے وسیع تر اقتصادی تعلقات اچ نمایاں مقام دا حامل اے۔ وزیر خارجہ آکھیے 2013 ء دے بعد توں سی پیک منصوبہ ݙوہیں ملکاں دے کثیر الجہتی اقتصادی تعلقات اچ توانائی، انفراسٹرکچر، تجارت اتے سرمایہ کاری دے شعبہ جات اچ ݙو طرفہ تعاون دی ھک نویں خصوصی جہت دا ودھارا کیتے ۔ واضح رہے ورلڈ اکنامک فورم دا سالانہ اجلاس2023 ء ڈیووس سوئٹزرلینڈ اچ 16 توں 20 جنوری دے دوران ”ھک وکھری ہوئی دنیا اچ تعاون” دے موضوع دے تحت منعقد تھئے ۔
