وزيراعظم ڊي آءِ خان دوري دوران ساگو پل تي ڪم جي رفتار جو معائنو ڪيو
APP20-070922
DERA ISMAIL KHAN: September 07 - Commissioner Dera ismail Khan Division briefing Prime Minister Muhammad Shehbaz Sharif regarding restoration work of Saggu Bridge over National Highway 50 (Dera Ismail Khan-Kuchlak). APP
ڊي آءِ خان – 07 – سيپٽمبر (اي پي پي) وزيراعظم محمد شهباز شريف پنهنجي ڊي آءِ خان دوري ۾ ساگو پل تي ڪم جي رفتار جو معائنو ڪيو ۽ منصوبي تي تيز رفتاري سان ڪم ڪرڻ تي لاڳاپيل عملدارن جي خدمتن کي ساراهيو. وزيراعظم پنهنجي دوري ۾ پل جي مختلف حصن جو دورو ڪيو ۽ اتي ڪم جي رفتار جو جائزو پڻ ورتو. پل معائني جي موقعي تي جمعيت علماءِ اسلام (ف) جو مرڪزي امير مولانا فضل الرحمان، اطلاعات ۽ نشريات واري وفاقي وزير مريم اورنگزيب، مواصلات وارو وفاقي وزير مولانا اسعد محمود ۽ وزيراعظم جو صلاحڪار انجنيئر امير مقام پڻ وزيراعظم سان گڏ هئا. ان موقعي تي وزيراعظم کي ٻڌايو ويو ته منصوبي تي ڪم تيزي سان جاري آهي ۽ پل کي جلد ٽريفڪ جي لاءِ کوليو ويندو. وزيراعظم ٻوڏ کان متاثر علائقن ۾ مواصلاتي ۽ رستن جي بنيادي ڍانچي جي منصوبن کي مڪمل ڪرڻ ۾ پاڪ فوج جي ڪردار کي ساراهيو. وزيراعظم اتي خيمن ۾ رهندڙ ٻوڏ متاثرين کي پڻ هٿ هلايو. واضح رهي ته ڊي آءِ خان ۾ تازي طوفاني برسات سان پل لڙهي وئي هئي. تازي ٻوڏ کانپوءِ وزيراعظم جو ڊي آءِ خان جو هي ٻيو دورو آهي ان کانسواءِ هن ٽانڪ، نوشهره، چارسده، سوات ۽ ڪوهستان جو دورو ڪيو جتي هن ذاتي طور تي ريسڪيو ۽ ريليف آپريشنز جو معائنو ڪيو.
