انتخابات بارے خبراں تے الیکشن کمیشن دا موقف ضرور ڳھدا ونڄے، مرتضیٰ سولنگی

اسلام آباد۔8جنوری(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی انتخابات بارے خبراں تے الیکشن کمیشن دا موقف ضرور ڳھنݨ دا آکھیے۔ اپݨے ٹویٹ اچ نگران وفاقی وزیر اطلاعات آکھیے جو حقائق تے چلو، جیکر شک ہووے تاں تصدیق کرو، انتخابات بارے خبراں تے الیکشن کمیشن دا موقف ضرور ڳھدا ونڄے۔ وفاقی وزیر اطلاعات اپݨے ٹویٹ نال الیکشن کمیشن آف پاکستان دی پریس ریلیز وی شیئر کیتی جیندے اچ الیکشن کمیشن میڈیا تے 8300 (ایس ایم ایس) سروس تے ادھوری معلومات بارے وضاحت کیتی اے جو اینڄھی کوئی ڳالھ نئیں جو پولنگ اسٹیشناں دی فہرست دی حتمی اشاعت انتخابات توں 15 ݙینھ پہلے کیتی ویسی جیندے اچ ووٹرز اپݨا شماریاتی بلاک کوڈ انتخابی فہرست اچ سلسلہ نمبر، گھرانہ نمبر، صوبائی و قومی اسمبلی دا حلقہ نمبر، پولنگ اسٹیشن دا ناں ڄاݨ سڳسن، حالی ابتدائی فہرست اے جیندے تے اعتراضات ٹردے پن، پولنگ سٹیشناں دیاں لسٹاں دی حتمی اشاعت توں بعد 8300 (ایس ایم ایس) تے ووٹر درست معلومات ڄاݨ سڳسن۔

مضمون کا ماخذ : بلوچستان لاٹری

متعلقہ مضامین