پائیدار امن و ترقی تئیں دہشتگردی دے خلاف جنگ قوم دی حمایت نال جاری رہسی، آرمی چیف دا پشاور کور اتے وادی تیراہ دا دورہ

اسلام آباد۔6 دسمبر( اے پی پی) آرمی چیف جنرل سید عاصم منیر آکھیے جو پائیدار امن و ترقی تئیں دہشتگردی دے خلاف جنگ قوم دی حمایت نال جاری رہسی، مادر وطن دا دفاع ہر صورت یقینی ٻݨایا ویسی، امن خراب کرݨ آلیاں کوں کتھائیں ڄاہ نا ملسی۔ پاک فوج دے شعبہ تعلقات عامہ (آئی ایس پی آر) آکھیے جو آرمی چیف جنرل عاصم منیر ضلع خیبر دی وادی تیراہ دا دورہ کیتے اتے ݙینھ پاک افغان بارڈر تے افسراں اتے جواناں نال گزاریے۔ آرمی چیف کور ہیڈ کوارٹرز پشاور دا وی دورہ کیتے جتھاں انہاں شہدا کوں خراج عقیدت پیش کریندے پھلاں دی چادر چڑھائی۔ کور کمانڈر پشاور لیفٹیننٹ جنرل حسن اظہر حیات انہاں دا استقبال کیتے۔ سپہ سالار کوں آپریشنل، ٹریننگ اتے فارمیشن دے امور تے بریفنگ ݙتی ڳئی۔ آئی ایس پی آر آکھیے جو دورے اچ آرمی چیف جنرل سید عاصم منیر آکھیا جو قبائلی عوام اتے سکیورٹی فورسز دیاں وݙیاں قربانیاں نال ریاست دی رٹ قائم تھئی اے، جے تئیں پائیدار امن اتے استحکام حاصل نئیں ملدا دہشت گردی دے خلاف جنگ قوم دی حمایت نال جاری رہسی، کہیں کوں وی دہشت گردی دے خلاف جنگ اچ ہݨ تئیں دی محنت نال ملݨ آلیاں کامیابیاں کوں روکݨ دی اجازت نہ ݙتی ویسی۔

مضمون کا ماخذ : وائکنگز گو برزرک

متعلقہ مضامین