وزیراعظم عمران خان نال چین دے سفیر دی ملاقات، ݙوطرفہ تعلقات، سی پیک، ویکسین اتے ٻئے شعبیں اچ سانجھے تعاون تے ڳال مہاڑ

اسلام آباد۔13اگست (اے پی پی):وزیراعظم عمران خان نال چین دے سفیر نونگ رونگ ملاقات کیتی ۔ ملاقات اچ چین اتے پاکستان دے درمیان ݙوطرفہ تعلقات، سی پیک، ویکسین اتے ٻئے شعبیں اچ تعاون تے ڳال مہاڑ کیتی ڳئی ۔ چین دے سفیر وزیراعظم عمران خان کوں چین دے صدر شی جن پنگ اتے وزیر اعظم لی کی چیانگ دی طرفوں نیک خواہشات اتے پاکستان دے آزادی دے ݙینھ دے موقع تے مبارخ دا سنیھا ݙتا ۔ وزیراعظم چینی قیادت دے مبارخ ݙیوݨ دے سنھیے تے آپمے خیرسگالی جذبات دا اظہار کیتے۔ وزیر اعظم پاکستان دی کوویڈ 19 دے خلاف جنگ اچ چین دی مسلسل حمایت اتے کوویکس سہولت دے تحت ویکسین دی فراہمی دی تعریف کیتی۔ وزیر اعظم آکھیے جو پاکستان اتے چین پکے یار ہن تے کہیں وی دشمن قوت کوں ایں یاری کوں کچا کرݨ دی اجازت نہ ݙیسن ۔ وزیراعظم عمران خان آکھیے جو سی پیک تبدیلی دا منصوبہ اے اتے ݙوہیں ملکاں کوں رل تے کم کرݨا چاہیدے تاں جو سی پیک کوں بی آر آئی دا اعلیٰ معیار دا منصوبہ بݨایا ونڄ سڳے ، انہاں آکھیے جو پاکستان دی حکومت سی پیک منصوبیں کوں وختی توڑ پڄاوݨ کیتے پرعزم اے۔ ملاقات اچ تجارت، کامرس، سرمایہ کاری، چین اتے پاکستان دے عوام دے درمیان رابطے تے کان کنی تے قدرتی وسائل توں متعلق معاملات تے وی ڳال مہاڑ کیتی ڳئی ۔ وزیراعظم علاقائی صورتحال دے تناظر اچ ایں ڳال کوں دہرائے جو افغانستان دے جیڑھے دا کوئی فوجی حل کائنی۔ وزیراعظم پاکستان دے ایں عزم دا وی اعادہ کیتے جو او افغان جیڑھے دے کہیں سیاسی حل سانگے مذاکراتی کوششاں دی حمایت جاری رکھیسی ۔

مضمون کا ماخذ : مایا کا عروج

متعلقہ مضامین