شہباز شریف لندن توں واپس آتے عوام تے کوئی احسان نئی کیتا ‘ شہباز شریف کوں چاہیدے جو لٹیے گئے کھرباں روپے اچوں کجھ رقم کرونا فنڈ اچ جمع کراون ‘صوبائی وزیرِ اطلاعات فیاض الحسن چوہان

لاہور۔5 اپریل(اے پی پی )وزیرِ اطلاعات پنجاب فیاض الحسن چوہان آکھیے جو شہباز شریف لندن توں پاکستان واپسی دا ذکر اینویں کریندے پن جیویں انہاں پاکستان دی 22 کروڑ عوام تے احسان کیتے ‘ شہباز شریف نہ تاں انگلینڈ دی پارلیمنٹ دے قائدِ حزبِ اختلاف ہن تے نہ ہی اقوامِ متحدہ دے سیکریٹری جنرل ‘او پاکستان اچ قائدِ حزبِ اختلاف ہن تے پاکستان آتے عوام دی خدمت کرنڑ انہاں دافرض ہئی ،جیں کوں او صحیح طریقے نال ادا نئی کریندے پئے ۔اے گال انہاں شہباز شریف ولوں وزیراعظم پاکستان عمران خان اتے وزیرِ اعلیٰ پنجاب سردار عثمان بزدار تے تنقید تے اپنڑے ردعمل دا اظہار کریندے ہوئیں آکھی اے ۔فیاض الحسن چوہان آکھیے جو شہباز شریف کوں چاہیدے جو انہاں دے خاندان ملک توں جیرھے کھرباں روپے لٹین انہاں اچوں کجھ رقم حکومت پاکستان دے کرونا ریلیف فنڈ اچ جمع کراون ۔

مضمون کا ماخذ : bolão lotofácil

متعلقہ مضامین