وزیر خارجہ شاہ محمود قریشی دی جینوا اچ ترک ، پاکستانی تے بین الاقوامی میڈیا نال گالھ مہاڑ

جنیوا ۔ 11 ستمبر (اے پی پی)وزیر خارجہ شاہ محمود قریشی آکھیا جو پاکستان اتے ترکی اچ تعلقات یکا مثالی رہندن،ڈوہیں ملکاں ہک ڈوجھے دا یکا ساتھ ڈتے،اساں ترک صدر رجب طیب اردگان دے جلد دورہ پاکستان دے منتظر ہن۔بدھ کوں جنیوا اچ ترک ، پاکستانی تے بین الاقوامی میڈیا نال گالھ مہاڑکریندیں ہوئیں انہاں آکھیا جو مقبوضہ کشمیر اچ صورتحال بارے آکھیا جو جڈاں ہک متنازعہ علاقے دا جبراً آبادیاتی تناسب تبدیل کیتا ویندے تاں اکثریت کوں زبردستی اقلیت اچ بدلنڑ دی کوشش کیتی ویندی اے۔اساںایں صورتحال کوںنسل کشی نال تعبیر کریندن۔انہاں آکھیا جو کل پنجاہ توں ودھ ملک سانجھے اعلامہ اچ سپورٹ کیتا جئیں دی تفصیل،اساں سفارت خانہ جلدی بنڑیسی۔پاک ترک تعلقات بارے وزیرخارجہ آکھیا جو پاکستان اتے ترکی اچ ڈوپاسہ تعلقات یکا مثالی رہندن ڈوہیں ملکاں ہک ڈوجھے دا یکا ساتھ ڈتے جئیں دا ہک مظاہرہ اساں کل او آئی سی اچ وی ڈٹھے جئیں ویلھے سانجھے اسٹیٹمنٹ دے ویلھے ترکی دے سفیر،او آئی سی دی سانجھے کوششاں اعلامیہ تے گالھ مہاڑ کرنڑ اچ ساریاں توں اگوں ہن۔ہک سوال دا جواب ڈیندیں ہوئیں شاہ محمود قریشی آکھیا جو ساکوں اسلاموفوبیا تے گہری تشویش اے اتے اقوام متحدہ جنرل اسمبلی دے اجلاس دے موقع تے پاکستان ترکی اتے ملائیشیا ایں موضوع تے ہک مباحثے دا اہتمام کریندے پیوں۔

مضمون کا ماخذ : جنگل کے راز

متعلقہ مضامین