شرح تعلیم ودھاوݨ کیتے سکول توں ٻاھرو رہ ونڄݨ آلے ٻالاں، خاص کر چھوہریں کو علم ݙیوݨ دی لوڑھ اے، صدر عارف علوی دی چیئرمین این سی ایچ ڈی نال ڳالھ مہاڑ

اسلام آباد۔24اکتوبر(اے پی پی)صدر مملکت ڈاکٹر عارف علوی شرح تعلیم ودھاوݨ کیتے سکول توں ٻاھرو رہ ونڄݨ آلے ٻالاں، خاص کر چھوہریں کو علم ݙیوݨ دی لوڑھ تے زور ݙیندے آکھیے جو انسانی وسائل دی ترقی کہیں وی ملک دی سماجی و اقتصادی ترقی کیتے وݙی اہم ہوندی اے، خواندگی اتے پرائمری تعلیم بارے انسانی ترقی دے اشاریے چنڳے کرݨ سودھا نینگراں دی مہارت ودھاوݨ کیتے جدید انفارمیشن اینڈ کمیونیکیشن ٹیکنالوجی ٹولز اپنائے ونڄن۔ اے ڳالھ انہاں قومی کمیشن برائے انسانی ترقی (این سی ایچ ڈی) دے چیئرمین کرنل (ر) ڈاکٹر امیر اللہ مروت نال الیندے آکھی۔ صدر مملکت آکھیا جو ملک اچ سکول توں باھرو ٻالاں دا اندازہ تقریباً 2 کروڑ اے۔ انہاں این سی ایچ ڈی دے چیئرمین کوں آکھیے جو او ملک دی شرح خواندگی ودھاوݨ کیتے تعلیم بالغاں اتے غیر رسمی بنیادی تعلیم تے کم کرن، مسیتاں کوں علمائے کرام دی مدد نال فجر اتے پیشیں دی نماز ویلھے تعلیم بالغاں دے پروگراماں کیتے استعمال کیتا ونڄے۔ چیئرمین این سی ایچ ڈی صدر کوں انسانی ترقی دے ودھارے سانڳے کمیشن دے اقدامات تے بریفنگ ݙتی۔

مضمون کا ماخذ : اولمپس کے خدا

متعلقہ مضامین