وفاقی وزیر انجینئر امیر مقام دا ممتاز کشمیری رہنما سید علی گیلانی دے ورھیݨے تے خراجِ عقیدت

اسلام آباد۔1ستمبر(اے پی پی) وفاقی وزیر امور کشمیر و گلگت بلتستان اتے سیفران انجینئر امیر مقام ممتاز کشمیری راہنما سید علی شاہ گیلانی دے تریجھے ورھیݨے تے خراج عقیدت پیش کریندے آکھیے سید علی گیلانی ’اساں پاکستانی ہیسے، پاکستان ساݙا اے ‘ دی نعرے دی گونج بݨ تے کشمیر سودھے پوری دنیا اچ گڄدے پئن ،سید علی گیلانی نظریاتی تحریک دا ناں تے ہر کشمیری دے دل دی دھڑکن ہن۔ انجینئر امیر مقام آکھیے سید علی گیلانی پوری عمر اسلام، پاکستان اتے کشمیریاں دی آزادی سانڳے بے مثال جدوجہد کیتی، انہاں 1993 اچ آل پارٹیز حریت کانفرنس بݨا تے تحریک آزادی کشمیر سانڳے مثال خدمت ݙتیاں ،تحریک آزادی کشمیر دے عظیم راہنما دا مشن بہادرکشمیری پورا کریسوں ،تحریک آزادی کشمیر دے سارے شہدا، سیاسی قائدین اتے مقبوضہ جموں وکشمیر دے عوام کوں سلام پیش کریندوں ، انھاں دعا کیتی جو اللہ تعالی سید علی گیلانی سودھے تحریک آزادی کشمیر دے سارے شہداء اتے مرحوم اکابرین دے درجات اُچے فرمان تے مقبوضہ جموں وکشمیر کوں آزادی دی نعمت عطا فرماون۔

مضمون کا ماخذ : سائٹس de loteria confiáveis

متعلقہ مضامین