صدر مملکت سفاکانہ جرائم دے الزامات ثابت تھیوݨ تے سزائے موت پاوݨ آلے پنج مجرماں دیاں رحم دیاں اپیلاں مسترد کرݙتن

اسلام آباد۔5اکتوبر (اے پی پی):صدر مملکت ڈاکٹر عارف علوی سفاکانہ جرائم دے الزامات ثابت تھیوݨ تے سزائے موت پاوݨ آلے پنج مجرماں دیاں رحم دیاں اپیلا مسترد کرݙتن ۔ ایوان صدر دے پریس ونگ توں جاری بیان موجب صدر مملکت محمد شعبان ولد محمد انور دی رحم دی اپیل مسترد کرݙتی ، محمد شعبان کوں ترائے سالہ ٻالڑی نال زیادتی اتے قتل کرݨ دے جرم اچ سزائے موت سݨائی ڳئی ہئی ۔ محمد عمران ولد فقیر محمد دی رحم دی اپیل وی مسترد کرݙتی ڳئی ، محمد عمران گھریلو جھیڑے دے بعد اپݨی ذال تے ݙو دھیریں کوں ٹوکے نال قتل کیتا ہئی ۔ صدر مملکت نے محمد افضل ولد محمد اصغر علی دی اپیل وی مسترد کرݙتی اے ، محمد افضل کوں والدین اتے 6 بھیݨ بھراویں سودھے آپݨے خاندان دے 8 لوکاں کوں قتل کرݨ تے سزائے موت سݨائی ڳئی ہئی۔ صدر ڈاکٹر عارف علوی محمد اکبر اتے محمد اصغر ولد محمد اکرم دی رحم دی اپیل وی مسترد کرݙتی اے ، محمد اکبر تے محمد اصغر ݙو لوکاں کوں معمولی جھیڑے دے بعد قتل کیتا ہئی ۔ صدر مملکت آئین دے آرٹیکل 45 دے تحت انہاں اپیلاں کوں مسترد کیتے ۔ آئین دے آرٹیکل 45 دے تحت صدر مملکت کہیں وی عدالت، ٹریبونل یا ٻئی اتھارٹی دی طرفوں ݙتی ڳئی سزا کوں معاف کرݨ ،معطل کرݨ یا گھٹ کرݨ دا اختیار رکھیندن ۔

مضمون کا ماخذ : گرم گرم

متعلقہ مضامین