وزیر اعظم عمران خان پی ٹی آئی دے سارے وزیراں تے رہنماواں کوں نواز شریف دی صحت متلق بیان بازی نہ کرنڑ دی ہدایت کیتی اے ،وزیر مملکت پارلیمانی امور علی محمد خان

اسلام آباد ۔ 11 نومبر (اے پی پی) وزیر مملکت پارلیمانی امور علی محمد خان آکھیے جو وزیراعظم عمران خان پاکستان تحریک انصاف دے سارے وزیراں تے رہنماواں کوں ہدایت کیتی اے جو نواز شریف دی صحت متعلق بیان بازی نہ کیتی ونجے ، وزیر اعظم نواز شریف دی صحت کیتے دعائیہ کلمات ادار کرنڑ دا آکھیا ہویا اے تے اساں سارے انہاں دی وختی چنگی صحت کیتے دعا کریندوں ، نواز شریف کوں عدالت ضمانت ڈتی اے ، حکومت نیب یا عدالت دے رستے اچ کڈاہیں رکاوٹ کائناں بنڑسی ، تجاویز تے حکومت سابق وزیر اعظم دے باہرلے ملک علاج کیتے رکاوٹ کائناں بنڑسی۔گزریل ڈینھ نجی ٹی وی چینل نال گال مہاڑ کریندے ہوئیں وزیر مملکت آکھیا جو حکومت دے کہیں ڈیل دا حصہ بنڑنڑ دا سوال ہی پیدا نی تھیندا ،وزیراعظم عمران خان کوئی بلیک میل نی کرسگدا تے نہ ہی مفاد اچ انہاں اپنڑے اصولاں تے سودے بازی کیتی اے ، وزیر اعظم پہلے وی واضح کر رکھیے جو اپوزیشن جیرھا کجھ مرضی کر گھنے کہیں کوں این آر او کائناں ڈیسن ۔ انہاں آکھیے جو حکومت کرپشن تے کوئی سمجھوتہ کائناں کریسی جیں جیں وی کرپشن کیتی اے اینکوں قوم دا ہک ہک پیسہ واپس کرنڑاں ہوسی ۔

مضمون کا ماخذ : منی ٹرین 2

متعلقہ مضامین