اطلاعات تئیں رسائی دے بل کوں مزید بہتربنڑا تے ایندا نفاذ کریسوں، میڈیا ورکرز سانگے وےج بورڈ ایوارڈ دی تشکیل سانگے مشاورت جاری ہے
اسلام آباد ۔ 3 مئی (اے پی پی) وزیر مملکت اطلاعات و نشریات مریم اورنگزیب آکھیا ہے جو حکومت میڈیا ورکر ز سانگے محفوظ تے سازگار ماحول دی تخلیق دے ذریعے اظہار رائے دی آزادی کوں مستحکم بنڑاونڑ سانگے کوشاں ہے ۔صحافت دے عالمی ڈینھ دے موقع تے اپنڑے پیغام اچ وزیر مملکت آکھیا جو صحافت دے عالمی ڈینھ کوں اساں آزادی صحافت دے عزم نال منیندے پیوں ،اے اساڈا قومی یقین ہے جو آزاد اتے متنوع میڈیا نہ صرف معاشرے اچ امن تے انصاف سانگے ضروری ہے بلکہ اے اقوام متحدہ ولوں پائیدار ترقی دے اہداف دے حصول اچ مدد گار ہے جیرھا جو دنیا اچ ہک ذمے وار ملک دی حیثیت نال اساڈی ذمے واری ہے ۔انہاں آکھیا جو پاکستان اچ میڈیا بلا روک ٹوک ااظہار رائے دی اظہار نال لطف اندوز تھیندا پیا ہے تے حکومت ذرائع ابلاغ کوں محفوظ تے سازگار ماحول دی فراہمی سانگے کوشاں ہے۔انہاں آکھیا جو آزادانہ تے شفاف انداز اچ ریاست تے چوتھے ستون دے طور تے اپنڑاں کردار سانگے حکومت میڈیا دے ازخود ریگولیٹری میکنزم دی حوصلہ افزائی کریندی پئی ہے تے حکومت ریگولیٹری مداخلت کوں گھٹ توں گھٹ کرنڑ سانگے چنگی کوشش کریندی پئی ہے ۔انہاں آکھیا جو حکومت صحافیاں دے تحفظ تے فلاح بہبود سانگے قنون سازی تے غو ر کریندی پئی ہے ۔حکومت وختی اطلاعات تئیں رسائی دے بل کوں مزید چنگاں بنڑا تے ایندا نفاذ کریسی تاں جو گورننس کوں چنگاں بنڑاونڑ اچ مدد مل سگے ۔انہاں آکھیا جو حکومت میڈیا ورکرزسانگے ویچ بورڈ ایواڈ دی تشکیل سانگے میڈیا دے منتخب نمائندیں دے نال مشاورت اچ مصروف ہے ۔مریم اورنگزیب آکھیا جو میڈیا حکومت سانگے نگران دے کردار دا حامل ہے ،حکومت دی وی ذمے واری ہے جو ملک دے سارے اداریں کوں آزادی تے حقوق نال لطف اندوز ہوونڑ دے برابر موقع مہیا کرے تاں جو اداریں دی وی ذمے واری ہوندی ہے جو ایں جذبے دے نال اپنڑیاں ذمے واریاں پوریاں کرن ۔
.jpg)
