وزیر خارجہ مخدوم شاہ محمود قریشی نال سری لنکا دے وزیر تجارت اتے ریاستی وزیر علاقائی تعاون دی ملاقات

اسلام آباد۔24جنوری (اے پی پی):وزیر خارجہ مخدوم شاہ محمود قریشی آکھیے جو پاکستان، سری لنکا دے نال ݙو پاسے دے تعقات کوں خصوصی اہمیت ݙیندے ، اے ڳال انہاں سری لنکا دے وزیر تجارت ڈاکٹر بندولا گناوردھنا اتے ریاستی وزیر علاقائی تعاون تھراکا بالاسوریا نال ڳال مہاڑ کریندے ہوئیں آکھی اے جنہاں سنوار کوں کاروباری وفد دے رلے وزارت خارجہ اچ انہاں دے نال ملاقات کیتی ۔ملاقات وچ ݙو طرفہ تعلقات ،کثیرالجہتی شعبہ جات اچ ݙو طرفہ تعاون دے ودھارے سودھے سانجھی دلچسپی دے اہم علاقائی و عالمی امور تے ڳال مہاڑ کیتی ڳئی اے ۔وزیر خارجہ آکھیے جو پاکستان اتے سری لنکا وچال تجارت، سرمایہ کاری،سیاحت، زراعت اتے دفاع سودھے سانجھی دلچسپی دے ٻہوں سارے شعبیں اچ تعاون ودھاوݨ دے ٻہوں سارے موقع موجود ہن ، انہاں آکھیے جو پاکستان تے سری لنکا وچال تجارت، سرمایہ کاری دے ودھاوݨ دے حوالے نال معاہدات موجود ہن جنہاں تے عمل درآمد کوں یقینی بݨاوݨ دی لوڑھ اے ۔وزیر خارجہ سیالکوٹ اچ پیش آوݨ آلے المناک واقعے اچ پرینتھا کمارا دے انتقال تے اظہار تعزیت کریندے ہوئیں ، ایں واقعہ دے ذمہ واراں کوں قرار واقعی سزا ݙیواوݨ کیتے، حکومت پاکستان ولوں کیتے ڳئے اقدامات دی تفصیلات بارے ݙسایا ۔

مضمون کا ماخذ : پرامڈ ادا کرتا ہے۔

متعلقہ مضامین